抵食半野生海黃油套餐

FoodLovers熱話專題

海黃油蟹上市【抵食半野生海黃油套餐】

西苑的黃油蟹保證是頭手蟹，每隻有八九成油，脂香豐腴。

既然真正野生黃油蟹可遇不可求，除非閣下超級嘴刁，非牠不吃，否則市面上大部分的半野生海黃油，水準與野生的相差不太遠，供應量也穩定，絕對吃得過。
不過，今年蟹價上升，即使向以平靚正作招徠的流浮山，最少也要五六百元一隻。加上路途遙遠，很多人寧願留在市區吃酒家的黃油蟹套餐。多花二三百元，有齊鮑、翅菜式和花膠燕窩甜品，都算抵。我的心水套餐是西苑和龍皇。

西苑總廚偉哥會檢驗由批發商交來的黃油蟹，不靚便退貨。

黃油蟹粉燴生翅 魚翅以濃雞湯加入黃油蟹粉來燴，入口creamy，啖啖鮮濃。

黃油蟹粉小籠包鍋巴 蟹粉小籠包肉餡鮮美帶鹹香，浸在蟹湯中吃，有新意。

原隻三頭鮮吉品 澳洲鮮鮑以老雞和赤肉扣足兩天，腍滑入味。

鮑翅蟹餐平均水準高 【西苑】

觀乎各酒家如利苑、西苑、鴻星的黃油蟹餐，每位七八百元少不了，除了有一隻蟹，其他菜式不離鮑魚魚翅。不過水準也有高低之分。選西苑，既因為黃油蟹質素不俗，還因為其他菜式都做得有水準。
西苑的黃油蟹餐是連鎖酒家中最貴的，每位$988；套餐包一隻黃油蟹、黃油蟹粉小籠包、黃油蟹粉燴生翅、三頭鮮鮑、花膠燉鮮奶和馳名大哥叉燒，部分菜式更用上黃油蟹粉炮製。
主角黃油蟹來自流浮山，屬半野生貨色。餐牌上標明黃油蟹是10，但記者磅過只有六，不太足秤，但很足油，掰開發現八九成是油，連蟹的關節和蟹箝都沾滿黃油；可惜蟹蒸得略為過火，黃油實若蛋黃，不夠軟滑。
吃完蟹已經半飽。不過再飽也要「留力」吃其他菜式，因為通通是水準之上；特別是黃油蟹粉燴生翅，有足一牙揀翅，一梳梳的咬口十足，以濃雞湯和蟹黃油來熬，啖啖脂香；澳洲黑邊三頭鮮鮑扣得腍滑入味，有溏心效果；半肥瘦大哥叉燒蜜味香；連甜品燉鮮奶都有大量軟滑花膠；叫人由頭到尾都吃得稱心滿意。
黃油蟹套餐分量頗大，足夠二人分享；而套餐雖說兩位起，但我試過二人前來，點一個餐，酒家仍樂意招待，抵讚。

西苑酒家

地址：銅鑼灣恩平道28號利園二期1樓101-102鋪
電話：28822110
營業時間：星期一至六11am-12mn，星期日及公眾假期10am-12mn
收費：黃油蟹套餐每位$988，兩位起。太古城分店的套餐內容及價錢略有出入，每位$798。

米湯黃油蟹 黃油蟹以米湯浸至僅熟，蟹鮮突出帶甜香，黃油呈糊狀，香滑甘腴。

黃油蟹很足油，蟹蓋滿是黃油。

足油黃油蟹【龍皇】

龍皇的蟹餐每位$888，有黃油蟹、湯翅、海斑、煎海中蝦、燒乳鴿和杏汁燕窩，主打海鮮，用料不及西苑的矜貴，勝在黃油蟹貨真價實，足油富蟹味，而且烹調勝一籌。
黃油蟹是半野生的，餐牌寫明8，上桌後磅過有六，比西苑足秤。同樣黃油十足，從蟹蓋、身、箝到爪，九成都是黃澄澄黃油；而且蟹味較西苑的突出。加上這標榜唔靚包換，已給客人信心保證。
龍皇一向拿手煮海鮮，烹調黃油蟹也很到家，蟹蒸得恰到好處，黃油軟滑不死實，如啖黃油蟹雪糕。除了清蒸外，更可選米湯黃油蟹，以米水加豆腐熬湯，把蟹浸熟；吃時只取蟹，不喝湯；浸熟的蟹肉很嫩滑，黃油入口比清蒸更creamy，是吃蟹新體驗。
至於其他菜式，用料雖不算矜貴，像濃湯翅只用中等級數的勾翅；頭抽煎蝦只用中蝦；但用料新鮮，味道亦中上，像勾翅以雞湯熬足6小時，湯頭呈奶白色，鮮濃；斑球以星斑新鮮起肉，配以鮮打露筍汁，清甜不寡；乳鴿炸得皮脆肉香。
不過，套餐分量大，酒家又堅持套餐兩位起，惟有三個人來分享。

龍皇酒家

地址：銅鑼灣告士打道280號世貿中心12樓
電話：28952288
營業時間：11am-4:30pm，6pm-11:30pm
收費：黃油蟹餐每位$888，兩位起。第680期飲食男女