筆克752

股路縱橫：受惠奧運概念筆克發力

個多禮拜前，推介中國澱粉（3838），當時股價3.41元，話佢做大做強，股價可見5字頭，噚日已升到4.76元，創出去年9月上市以來新高，話唔定唔使持有1年，只係大半個月時間，就可以完成目標。
其實，中澱不斷進行收購同兼併，以擴充產能，目標係要成為中國最大的玉米澱粉生產商，07年（12月結）賺2.03億元人民幣（下同），大升206%，08年估計上升到2.5億元，每股盈利48仙（折54港仙），以龍頭公司保守的10倍PE計，股價已可坐五望六，遲啲仲1送4紅股，變相拆細，仲易有大作為。
筆克遠東（752）有奧運概念，唔講唔知，原來上周五香港傳送火炬，筆克就為奧運馬術場地至沙田馬場路段，提供及安裝有關馬術項目的宣傳佈置。奧運火炬唔單止令香港全球矚目，亦令筆克「生色�v。

初步目標1.6元

筆克昨天成為大升股之一，高收1.26元，升0.14元，升幅12.5%，成交更大增到630多萬股。香港火炬傳送結束，然而筆克在中國境內火炬傳送的參與則只係剛剛開始，由於筆克已獲可口可樂委任為2008奧運聖火傳遞項目中國境內支援供應商，由海南島三亞市開始，奧運聖火將會在中國逾150個城市傳送，在未來兩三個月，筆克將會有排忙。
過去3個月，筆克走勢形成複式頭肩底，昨日大陽燭兼大成交破位而上，亦拋離10日同20日線，中期調整確認完成，上升大浪開始，照度上去，初步目標係1.60元。
上年度（07年10月底止），筆克獲利1.46億元，升8%，略低於市場預期，主要係增聘人手，以應付奧運年的大量工作。現年度估計盈利可升至1.71億元，每股盈利14仙，下年度可再升到17仙。中銀研究報告指筆克核心業務持續受惠蓬勃的展覽活動�A前景樂觀，給予「優於大市」評級，目標價2.15元。