客減競爭大賭股捱沽

股場放大鏡 歐陽風 濠 賭股昨日再急跌，導火線之一應該係銀河娛樂（027）本周一宣佈，裁減旗下澳門 兩間賭場共270名員工。銀娛聲明指，裁減金都娛樂場及總統娛樂場任職的本地及 非本地員工，當中包括場務經理、場務主任、莊荷主任、莊荷及保安員。金都及總 統屬銀河旗下城市娛樂場，集團旗艦則是星際娛樂場。 早前有消息指內地會 再收緊內地旅客往澳門，特別是針對政府官員，到6月開始廣東再收緊自由行後， 澳門遊客數量進一步下跌，賭場自然首當其衝。另一方面，澳門賭場越開越多，仲 要越開越豪，以夠大間為招徠，人家成個度假村形式搞賭，二線娛樂場之吸引力和 競爭力大減，呢個才是佢面對最大難題。

澳博招股難有佳績 澳 門賭業競爭惡化，同時客源增長有放緩趨勢，減省勞工成本變成唯一出路。昨日截 止招股的澳博（880），在眾多不利消息之下，招股反應難望有佳績，該公司以預 測08年PE介乎10.3倍至13.6倍間招股，其實唔算太貴。現時市況一般，若以中 間數定價，估值更低。 相比之下，兩隻同類股信德（242）及新濠（200） 預測08年PE分別為15倍及19.8倍，便顯得較為昂貴，既然市場資金可以較低價 錢買得到澳博，也就不難理解何以信德及新濠近期跌得如此慘烈。 信德昨日跌逾4%，新濠更挫逾9%。近一個多月以來，信德跌超過33%，新濠更慘跌44%。早知澳博上市會導致呢兩隻同系股股價大跌，市值唔見百幾億銀，大股東唔知仲係咪咁積極同澳博搞上市呢？